2018 National Conference

Tairawhiti

Taku pohiri e rere atu ra
Ki te hiku o te ika
Te puku o te whenua
Te pane o te motu
Ki te whakawhitiranga i Raukawa ki Te Waipounamu
Te whakawhitiranga i Te Moana Nui a Kiwa ki Te Urupu e!

E nga mana
E nga reo
E nga karangatanga maha o nga hau e wha
Tena koutou katoa

Tenei te karanga o te Tairawhiti ki a koutou nga mema me nga whanau o
Te Ropu Wahine Maori Toko i te Ora

E whakareri ana te Tairawhiti mo tenei huihuinga parekareka a tatau i tana tau 66
Kaore e arikarika te wairua hikaka kia manaakitia wa matau manuhiri.
Na te Tairawhiti te reo karanga
Piki mai Kake mai
Ki te whenua o Houhoupiko, Makaraka, ki Turanganui-a-Kiwa, Tairawhiti.
Nau mai Haere mai!